تھرڈ امپائر سے تکرار انگلش ٹیم کے نائب کوچ نے بھی ہیلز پر جرمانہ جائز قرار دے دیا

ایلکس ہیلز فیصلے پر کتنے ہی پریشان کیوں نہ تھے، ان کو میچ کے دوران ہی بحث کرنے کا کوئی حق نہیں تھا، فوٹو: فائل

---

انگلش ٹیم کے نائب کوچ پال فاربریس نے تھرڈ امپائر سے تکرار کے جرم مین ایلکس ہیلز پر جرمانے کو جائز قرار دے دیا۔

پال فاربریس کا کہنا تھا کہ کرکٹ جیسے کھیل میں کئی اتار چڑھاؤ آتے ہیں لیکن ہم کسی ایسے کھلاڑی کی حمایت نہیں کرسکتے جو فیصلے پر سوالات کرنے کے لیے تھرڈ امپائر کے کمرے میں ہی جاگھسے۔

انگلش ٹیم کے نائب کوچ کا کہنا تھا کہ ایلکس ہیلز فیصلے پر کتنے ہی پریشان کیوں نہ تھے، ان کو میچ کے دوران ہی بحث کرنے کا کوئی حق نہیں تھا،اس طرح کی حرکتوں سے کوئی فائدہ نہیں بلکہ بینک بیلنس کا نقصان ہی ہوتا ہے، آئی سی سی نے ان کے خلاف درست کارروائی کی۔