وزیراعظم کا مصباح الحق کو فون اوول ٹیسٹ میں جیت پر مبارکباد

وزیراعظم نواز شریف نے قومی ٹیسٹ ٹیم کے کپتان مصباح الحق کو فون کیا اور انہیں اوول ٹیسٹ میں کامیابی پر مبارکباد دی۔

ایکسپریس نیوز کے مطابق وزیراعظم نواز شریف نے انگلینڈ کے خلاف اوول ٹیسٹ میں جیت کے بعد قومی ٹیم کے کپتان مصباح الحق کو فون کیا اور انہیں ٹیم کی جیت پر مبارکباد دی۔ وزیراعظم نے کہا کہ اوول ٹیسٹ کی جیت یوم آزادی پر پوری قوم کو تحفہ ہے۔

اس خبر کو بھی پڑھیں: پاکستان نے انگلینڈ کی ہوم سیریز میں فتوحات کا سلسلہ روک دیا


وزیراعظم نے اوول ٹیسٹ کے مین آف دی میچ یونس خان اور یاسر شاہ کی کارکردگی کو خصوصی طور پر تعریف کی اور انہیں بہترین کھیل پیش کرنے پر مبارکباد دی۔

واضح رہے کہ پاکستان نے گزشتہ روز اوول ٹیسٹ کے چوتھے روز انگلینڈ کو 10 وکٹوں سے شکست دے کر 4 ٹیسٹ میچز پر مشتمل سیریز 2-2 سے برابر کردی تھی۔