چینی ڈائیور نے اپنی دوست کو پوری دنیا کے سامنے شادی کا پیغام دیدیا

ہے زی نے اتوار کو ریو میں خواتین کے تین میٹر سپرنگ بورڈ مقابلے میں چاندی کا تمغہ جیتا تھا فوٹو: فائل

---

KARACHI: چینی ڈائیور چن کائی نے ریو گیمز کے دوران اپنی دوست اور میڈلسٹ ہی زی کو پوری دنیا کے سامنے شادی کا پیغام دے دیا۔

برازیل میں جاری کھیلوں کے عالمی مقابلوں کے دوران ویمنز 3 میٹر اسنکرو نائزڈ اسپرنگ بورڈ میں چاندی کا تمغہ جیتنے والی چین کی ہی زی کو اس وقت وکٹری اسٹینڈ سے نیچے اترنا پڑا جب ان کے دیرینہ دوست اور گذشتہ ہفتے مینز 3 میٹر سنکرونائزڈ ایونٹ میں کانسی کا تمغہ جیتنے والے چن کائی نے اچانک گھٹنے کے بل جھکتے ہوئے انھیں شادی کا پیغام دیا،

اس موقع پر ان کے ایک ہاتھ میں میڈل اور دوسرے میں انگوٹھی تھی، ہی زی نے فوراً ہاں کردی۔دونوں کے درمیان گذشتہ برس سے دوستی کا تعلق قائم ہے۔