عامرخان نے امیتابھ بچن کے ساتھ کام کرنے کی دیرینہ خواہش کا اظہارکردیا

میگا اسٹار امیتابھ بچن کی فلمیں دیکھتے ہوئے بڑا ہوا ہوں اور ان کی اداکاری سے بہت کچھ سیکھا ہے، اداکار فوٹو: فائل

---

بالی ووڈ مسٹر پرفیکشنسٹ عامرخان اپنی منفرد اداکاری اورکردار کی وجہ سے شائقین کے دل جیتنے کی مہارت رکھتے ہیں لیکن انہوں نے اب بالی ووڈ کے بگ بی امیتابھ بچن کے ساتھ کام کرنے کی دیرینہ خواہش کا اظہار کیا ہے۔

بھارتی میڈیا رپورٹس کے مطابق بالی ووڈ انڈسٹری میں مسٹرپرفیکشنسٹ کے نام سے مشہور اداکارعامرخان سے جب بگ بی اورمیگا سپراسٹار امیتابھ بچن کے ساتھ "وجے کرشنا اچاریا" کی فلم میں کام کرنے کی خبروں کے حوالے سے پوچھا گیا توانہوں نے ان خبروں کی نہ تردید کی اورنہ ہی تصدیق کی اور کہا کہ ابھی اس بارے میں کچھ بھی کہنا قبل ازوقت ہوگا تاہم وہ ہمیشہ انتظار کرتے ہیں کہ وہ کب امیتھابھ کے ساتھ جلوہ گر ہوں گے۔

اس خبر کو بھی پڑھیں: ہالی ووڈ کے بجائے بالی ووڈ کی فلموں میں کام کو ترجیح دیں گے، امیتابھ بچن اورعامرخان

دوسری جانب عامر خان نے مستقبل میں میگا اسٹارامیتابھ بچن کے ساتھ کام کرنے کی خواہش کا اظہارکرتے ہوئے کہا کہ وہ ان کے بہت بڑے مداح ہیں جب کہ امیتابھ بچن وہ اداکارہیں جن کی وہ بہت تعریف اوراحترام کرتے ہیں۔ عامرخان نے کہا کہ وہ میگا اسٹارکی فلمیں دیکھتے ہوئے بڑے ہوئے ہیں اوران کی اداکاری سے بہت کچھ سیکھا ہے، اگران کے ساتھ فلم میں کام کرنے کا موقع ملے توان کا ایک بڑا خواب پورا ہوجائے گا۔



اداکارعامرخان نے مزید کہا کہ انہیں پوری امید ہے کہ وہ امیتابھ بچن کے ساتھ اداکاری کے جوہرجلد دکھائیں گے اورجب بھی ان کے ساتھ کام کرنے کا فیصلہ کیا جائے گا تو سب کو اس سے آگاہ کیا جائے گا۔

واضح رہے کہ عامرخان اپنی نئی آنے والی فلم "دنگل" کی شوٹنگ میں مصروف ہیں جو رواں برس دسمبر کے مہینے میں ریلیز کی جائے گی۔