ٹی او آرز کمیٹی میں ڈیڈلاک پر اپوزیشن کا اجلاس آج ہوگا

حكومت اور اپوزیشن كے درمیان ڈیڈلاك كے باعث اب اپوزیشن نے اپنی حتمی حكمت عملی طے كرنے كا فیصلہ كیا ہے، ذرائع، فوٹو؛ فائل

---

ٹی اوآرز كمیٹی میں ڈیڈ لاك پر اپوزیشن جماعتوں كا اجلاس آج اسلام آباد میں طلب كر لیا گیا جس میں اپوزیشن اپنی حتمی حكمت عملی طے كرے گی۔

نمائندہ ایکسپریس كے مطابق پاناما لیكس كے معاملے پر حكومت اور اپوزیشن كے درمیان ڈیڈلاك كے باعث اب اپوزیشن نے اپنی حتمی حكمت عملی طے كرنے كا فیصلہ كیا ہے۔ سانحہ كوئٹہ سے پہلے اسپیكر قومی اسمبلی سردار ایاز صادق نے حكومت اوراپوزیشن كو ٹی او آرز كے معاملے پر اكٹھے بٹھانے كے لیے اجلاس بلایا تھا جو سانحہ كوئٹہ كے باعث ملتوی كردیا گیا تاہم اب اپوزیشن نے اپنی حكمت عملی طے كرنے كے لیے آج صبح 11 بجے سینیٹ میں قائد حزب اختلاف اعتزاز احسن كے دفتر میں اجلاس طلب كیا ہے جس میں پیپلزپارٹی ، تحریك انصاف، مسلم لیگ (ق)، جماعت اسلامی كے نمائندے شریك ہوں گے۔

اجلاس میں آفتاب شیر پاؤ، شیخ رشید، سینیٹر اسرار اللہ زہری كو بھی اجلاس میں مدعو كیا گیا ہے۔ اجلاس میں اپوزیشن كی آئندہ حكمت عملی مرتب كی جائے گی اور موجودہ سیاسی صورتحال كا جائزہ لیا جائے گا۔

واضح رہے كہ گزشتہ روز وفاقی وزیرخزانہ اسحاق ڈار نے قومی اسمبلی میں قائد حزب اختلاف سید خورشیدشاہ سے ملاقات كركے انہیں ڈیڈ لاك كے خاتمے میں اپنا كردار ادا كرنے كی درخواست بھی كی ہے۔