قومی ہاکی ٹیم کے ہیڈ کوچ اختر رسول نے کہا ہے کہ ورلڈ ہاکی چیمپئنز ٹرافی میں پاکستان اور آسٹریلیا کے درمیان مقابلے میں ہونے والا واحد گول غلط امپائرنگ کا نتیجہ ہے اسے چیلنج کیا جائے گا۔

قومی ہاکی ٹیم کے ہیڈ کوچ اختررسول کا کہنا ہے کہ ایک ہی فاؤل پر شفقت رسول کو یلو کارڈ دکھا کر میدان سے باہر کردیا گیا اور اسی طرح کے فاؤل پر میزبان ٹیم کو پینلٹی کارنر دے دیا گیا جو سراسر غلط ہے۔

واضح رہے کہ اسی فاؤل پر دیئے گئے پیلنٹی کارنر سے آسٹریلیا نے میچ کا واحد گول کرکے پاکستان کے خلاف فتح پائی ۔