جیکولن فرنانڈس فلموں میں مشکل کردارادا کرنے کی خواہش مند

اداکارہ کی نئی آنے والی فلم "جیٹ" رواں ماہ 25 اگست کو سینیما گھروں کی زینت بنے گی۔ فوٹو فائل

---

ISLAMABAD: سری لنکن نژاد بھارتی اداکارہ جیکولن فرنینڈس کا کہنا ہے کہ وہ فلموں میں مختلف کردارادا کرنے کے باعث کافی با اعتماد ہوچکی ہیں جب کہ اب وہ مزید چیلنجنگ کردارحاصل کرنے کی بھی خواہشمند ہیں۔

بھارتی میڈیا رپورٹس کے مطابق سری لنکن نژاد بھارتی اداکارہ جیکولن فرننڈس جو7 برس سے بالی ووڈ انڈسٹری میں کام کررہی ہیں، اب اداکارہ کا اپنے حوالے سے کہنا تھا کہ وہ خود کومختلف کردارادا کرنے کے بعد کافی پراعتماد سمجھتی ہیں جب کہ اب وہ مزید چیلنجنگ کردارادا کرنے کی خواہش مند بھی ہیں۔ اداکارہ کا کہنا ہے کہ اس انڈسٹری میں آگے بڑھنے کے لیے کردارمیں تبدیلی نا گزیرہے اس لیے وہ مختلف کردارادا کرنے کی خواہش رکھتی ہیں۔

اس خبرکوبھی پڑھیں: کپل شرما نے جیکولن فرنینڈس سے شادی کرلی

اداکارہ کا کہنا تھا پہلے وہ خود کو مختلف کردارادا کرنے کے قابل نہیں سمجھتی تھیں اوراب ایسا نہیں ہے جب کہ اب اداکارہ تمام کردارادا کرنا نہیں چاہتی ہیں جووہ پہلے ادا کرچکی ہیں۔ ان کا کہنا تھا کہ جس طرح کی فلمیں اورکردارکرتی ہیں اب انہیں مختلف اندازمیں دیکھتی ہیں، اب وہ فلم پورے ہونے تک کے عمل کے دوران بہت زیادہ محظوظ ہوتی ہیں جب کہ یہ چیزہدایتکارکو بھی مدد فراہم کرتی ہے۔

واضح رہے کہ اداکارہ کی نئی آنے والی فلم "جیٹ" رواں ماہ 25 اگست کو سینیما گھروں کی زینت بنے گی۔