بڑھتی عمر اور بیماری نے اداکارہ منیشا کی شخصیت بدل دی

امریکا سے علاج کے بعد اب 46 سالہ اداکارہ روبہ صحت ہیں اور کینسر کے خلاف جنگ جیت چکی ہیں۔ فوٹو؛ فائل

---

ماضی میں بالی ووڈ پر راج کرنے والی اداکارہ منیشا کوئرالا نے کینسر کے خلاف جنگ تو جیت لی لیکن ڈھلتی عمر کے باعث ان کی شخصیت ہی بدل گئی ہے۔



منیشا کوئرالا نے 1991 میں ریلیز ہونے والی فلم''سوداگر''سے فلمی کیرئیر کا آغاز کیا لیکن انہوں نے شہرت شاہ رخ خان کے مد مقابل فلم ''دل سے'' حاصل کی جب کہ اپنے فلمی کیرئیر میں اداکارہ نے متعدد بلاک بسٹر فلموں میں اداکاری کے جوہر دکھائے ہیں جس میں ''ملن''،''بمبئی''،''مہاراجہ''،''من'' اور ''کمپنی'' شامل ہیں۔

اس خبر کو بھی پڑھیں:رنکی کھنہ کے موٹاپے نے ان کی شخصیت ہی بدل ڈالی



ماضی کی خوبرو اداکارہ نے 90 کی دہائی میں فلم نگری پر راج کیا اور بالی ووڈ کے علاوہ مقامی فلم نگری اور چھوٹی پردہ اسکرین پر بھی قسمت آزمائی کی ہے جب کہ اداکارہ نے چھوٹی پردہ اسکرین پر بھی کامیابیاں سمیٹی ہیں۔



بالی ووڈ اداکارہ نے 2010 میں نیپالی بزنس مین سے شادی کی اور فلمی دنیا سے کنارہ کشی اختیار کرلی تاہم ان کی یہ شادی زیادہ عرصہ نہ چل سکی اور 2 سال بعد دونوں میں طلاق ہوگئی۔



اداکارہ منیشا کوئرالا کی طلاق کے بعد مصیبتوں کا دور شروع ہوگیا اور انہیں کینسر کے عارضے کی تشخیص ہوئی جس پر انہوں نے کینسر کے خلاف اعلان جنگ کیا، اداکارہ 4 سال تک کینسر سے لڑتی رہیں اور بھارت کے علاوہ امریکا سے بھی علاج کرایا جہاں کی سرجری کی گئی۔

اس خبر کو بھی پڑھیں:شہرہ آفاق فلم "ہم آپ کے ہیں کون" کی پوجا بھابھی کو پہچاننا مشکل ہوگیا



امریکا سے علاج کے بعد اب 46 سالہ اداکارہ روبہ صحت ہیں اور کینسر کے خلاف جنگ جیت چکی ہیں جب کہ گزشتہ روز ان کی 46 ویں سالگرہ کے موقع پر نئی تصاویر سوشل میڈیا پر تیزی سے وائرل ہورہی ہیں جس میں ان کی شخصیت میں بالکل تبدیلی آگئی ہے جس پر ان کے مداح بھی حیران ہیں۔



بالی ووڈ اداکارہ کی نئی تصاویر پر ان کے مداحوں نے حیرانی کے ساتھ ساتھ خوشی کا بھی اظہار کیا ہے اور کینسر کے خلاف جنگ جیتنے پر انہیں مبارکباد بھی پیش کی ہے جب کہ نئی تصاویر میں منیشا کی شخصیت میں کافی تبدیلی آئی ہے جس میں انہیں پہچاننا آسان نہیں بلکہ نا ممکن ہے۔