سلمان اور لولیا رشتہ ازدواج میں منسلک رومانوی میڈیا

ماڈل گرل نے مقامی زبان میں اپنے نام کے ساتھ ’’ڈوامنا خان‘‘ بھی لکھنا شروع کردیا ہے، رومانوی میڈیا کا دعویٰ، فوٹو؛ فائل

---

رومانیہ کے میڈیا نے بالی ووڈ اسٹار سلمان خان اور ان کی موجودہ گرل فرینڈ لولیاوینتر کے رزشتہ ازدواج میں منسلک ہونے کا دعویٰ کردیا۔

بالی ووڈ اسٹار سلمان خان اور رومانیہ کی ماڈل گرل لولیا وینترکو کئی مقامات پر ایک ساتھ دیکھا گیا ہے یہی نہیں بلکہ فلموں کی شوٹنگ کے دوران بھی لولیا کو سیٹ پر دیکھا گیا ہے جب کہ دونوں شخصیات کی شادی کی خبریں کئی بار زیر گردش رہی ہیں جس کی سلو میاں ہمیشہ سے ہی تردید کرتے رہے ہیں لیکن اب رومانیہ کے میڈیا نے سلمان خان کی شادی سے متعلق بڑا دعوی کیا ہے۔

اس خبر کو بھی پڑھیں:سلمان خان نے لولیا ونترسے شادی کی خبروں کو بے بنیاد قرار دے دیا

رومانیہ کے میڈیا کا دعویٰ ہے کہ سلمان خان اور لولیا وینتر رشتہ ازدواج میں منسلک ہوگئے ہیں جس کو خفیہ رکھا جارہا ہے جب کہ رومانوی ماڈل گرل نے مقامی زبان میں اپنے نام کے ساتھ ''ڈوامنا خان'' بھی لکھنا شروع کردیا ہے جس کا اردو میں مطلب ''رائل مسز خان'' ہے اور اسی وجہ سے دونوں کی شادی کی خبروں کو تقویت مل رہی ہے تاہم سلو میاں اور لولیا وینتر کی جانب سے تردید یا تصدیق نہیں کی گئی ہے۔

اس خبر کو بھی پڑھیں:سلمان خان کی رومانیہ کی ماڈل گرل لولیا وینٹر سے شادی خبریں گردش کرنے لگیں

واضح رہے کہ اداکار سلمان خان کا کئی نامور اداکاراؤں کے ساتھ معاشقہ رہا ہے جس میں ایشوریا رائے بچن اور کترینہ کیف بھی شامل ہیں۔