ٹوئٹر پر رشی کپور نے اپنے ہی مذہبی تہوار کا مذاق اُڑا ڈالا

رشی نے ’’رکشا بندھن‘‘ کے موقع پر ٹوئٹر پراداکارہ راکھی کی رسیوں میں جکڑی تصویر پوسٹ کرکے مداحوں کو مبارکباد دی

ویب ڈیسک August 18, 2016

رشی نے ’’رکشا بندھن‘‘ کے موقع پر ٹوئٹر پراداکارہ راکھی کی رسیوں میں جکڑی تصویر پوسٹ کرکے مداحوں کو مبارکباد دی، فوٹو:فائل

لیجنڈری اداکار رشی کپور نے ''رکشا بندھن'' کے موقع پر اداکارہ راکھی کی رسیوں سے جکڑی تصویر پوسٹ کرکے اپنے ہی مذہبی تہوار کا مذاق اُڑا ڈالا۔

بالی ووڈ اداکار رشی کپور ٹوئٹرپر اپنی متنازع ٹوئٹ کے حوالے سے کافی شہرت رکھتے ہیں اوراس حوالے سے وہ کوئی بھی موقعہ ہاتھ سے جانے نہیں دیتے اورحد تو یہ ہے کہ انہوں نے ٹوئٹر پر گاندھی خاندان کو ایسا تنقید کا نشانہ بنایا کہ اداکار کو لینے کے دینے پڑ گئے اوراب ٹوئٹر پر رشی نے اپنے ہی مذہبی تہوار رکشا بندھن کو بھی مذاق کا نشانہ بناڈالا۔

اس خبر کو بھی پڑھیں:لیجنڈری اداکار رشی کپور گاندھی فیملی پر برس پڑے

ہندوؤں کے مذہبی تہوار رکشا بندھن کے موقع پرہندوخواتین اپنے بھائیوں کے ہاتھوں میں راکھی باندھتی ہیں اوررشی کپور نے ٹوٹر پر مداحوں کو اس مذہبی تہوار کی مبارک باد اداکارہ راکھی کے فلم کے سین کی تصویر پوسٹ کرکے دی جس میں راکھی کو رسیوں میں جکڑا دکھایا گیا ہے جس پر اداکار کو شدید تنقید کا سامنا ہے۔