فلم ’’دھوم‘‘ کے چوتھے سیکوئل میں شاہ رخ خان جلوہ گر ہوں گے

فلم ’’دھوم ‘‘ کے چوتھے سیکوئل کے لیے دبنگ سپر اسٹار سلمان خان کا نام لیا جارہا تھا، فوٹو:فائل

---

PESHAWAR: بالی ووڈ کے کنگ شاہ رخ خان شہرہ آفاق فلم ''دھوم'' کے چوتھے سیکوئل میں مرکزی کردار ادا کریں گے۔

یش راج فلمز کے بینر تلے بننے والی شہرہ آفاق فلم دھوم میں جان ابراہم اور ابھیشیک بچن نے مرکزی کردار ادا کیا اور فلم نے بے پناہ مقبولیت حاصل کی تھی جب کہ فلم کے دوسرے سیکوئل میں ہریتھک روشن اور تیسرے سیکوئل میں عامر خان نے مرکزی کردار ادا کیا تھا لیکن اب فلم کے چوتھے سیکوئل کے لیے ایک اور بڑے اداکار کو کاسٹ کرلیا گیا ہے۔

اس خبر کو بھی پڑھیں:میگا اسٹار امیتابھ بچن اور ہریتھک روشن ''دھوم 4'' میں جلوہ گر ہوں گے

بھارتی میڈیا کے مطابق فلم ''دھوم '' کے چوتھے سیکوئل کے لیے دبنگ سپر اسٹار سلمان خان کا نام لیا جارہا تھا لیکن اب فلم کے لیے شاہ رخ خان کو کاسٹ کرلیا گیا جس کے بعد کنگ خان فلم میں چور کے روپ میں نظر آئیں گے جب کہ فلم میں ابھیشیک کی جگہ پولیس والے کا کردار رنویر سنگھ نبھائیں گے۔ میڈیا رپورٹس کے مطابق پروڈیوسر آدتیہ چوپڑا کی شاہ رخ خان اور رنویر سنگھ سے فلم کی کاسٹ کے لیے بات چیت حتمی مراحل میں ہے جس کا باقاعدہ اعلان چند روز میں کیا جائے گا۔