کراچی سے دہشتگردوں اور ٹارگٹ کلرز سمیت 26 ملزمان گرفتار

رینجرز نے کیماڑی سے 2 دہشتگردوں کو گرفتار کرکے اسلحہ برآمد کرلیا۔ فوٹو؛ فائل

---

پولیس اور رینجرز نے شہر کے مختلف علاقوں کارروائیوں کے دوران ٹارگٹ کلرز اور دہشت گردوں سمیت 26 ملزمان کو گرفتار کرلیا۔

نمائندہ ایکسپریس كے مطابق رینجرز انٹیلی جنس نے كیماڑی ٹاؤن میں كارروائی كرتے ہوئے 2 دہشت گردوں صمد اقبال اورسید مرتاز كو گرفتار كركے ان كے قبضے سے ایك ایل ایم جی سمیت دیگر اسلحہ اور بڑی تعداد میں گولیاں برآمد کرلیں۔ ترجمان رینجرز كے مطابق ملزمان كا تعلق ایم كیو ایم كے عسكری ونگ سے ہے جب کہ ان سے برآمد شدہ اسلحہ شہر میں ٹارگٹ كلنگ اور بدامنی پھیلانے كے لیے استعمال ہوتا تھا۔

ادھر الفلاح پولیس نے گرین ٹاؤن میں چھاپہ مار كارروائی تو ملزمان نے فائرنگ كردی جس کےبعد پولیس نے جوابی فائرنگ كرتے ہوئے 3 ملزمان کو گرفتار کرکے ان کے قبضے سے اسلحہ برآمد کرلیا۔ پولیس کے مطابق ملزمان کا تعلق سیاسی تنظیم سے ہے۔ قانون نافذ كرنے والے اداروں نے جمشید كوارٹر، تین ہٹی اور جہانگیر روڈ پر كارروائی كرتے ہوئے سیاسی اور لیاری گینگ وار كے كارندوں سمیت 4 افراد كو حراست میں لے كر نامعلوم مقام پر منتقل كردیا۔