حادثات وواقعات میں4 افراد ہلاک 2 زخمی

سولجر بازار کے علاقے میں علی بھائی آڈیٹوریم کے قریب موٹر سائیکل پھسلنے سے 25سالہ نوجوان آصف ولد قاسم ہلاک ہو گیا. فوٹو: فائل

---

شہر میں مختلف حادثات اور واقعات میں4افراد ہلاک جبکہ 2افراد زخمی ہوگئے۔

تفصیلات کے مطابق عزیز بھٹی تھانے کے علاقے راشد منہاس روڈ پر نیپا فلائی اوور پرچڑھتے ہوئے موٹر سائیکل پھسلنے سے ایک نوجوان ہلاک اور 2زخمی ہو گئے۔

جنھیں فوری طور پر عباسی شہید اسپتال منتقل کردیا گیا، پولیس کے مطابق ہلاک ہونے والے نوجوان کی شناخت فہیم ولد سلام کے نام سے ہوئی ہے جبکہ زخمیوں میں ایمبرے ولد عاشق اور طلحہ شامل ہیں، ہلاک اور زخمی ہونے والے نوجوان ڈرگ روڈ کے رہائشی ہیں، پولیس نے ضابطے کی کارروائیکے بعد نوجوان کی لاش ورثا کے حوالے کردی، سولجر بازار کے علاقے میں علی بھائی آڈیٹوریم کے قریب موٹر سائیکل پھسلنے سے 25سالہ نوجوان آصف ولد قاسم ہلاک ہو گیا جبکہ کورنگی صنعتی ایریا اسٹار گودام کی چھت سے35 سالہ محمد ندیم پر اسرار طور پر گر کر ہلاک ہو گیا۔