سلمان اور ارجیت سنگھ کے درمیان سرد جنگ ختم

ارجیت سنگھ سلمان خان کی نئی فلم ’’ٹیوب لائٹ‘‘ کے لیے اپنی آواز کا جادو جگائیں گے۔ فوٹو؛ فائل

---

بالی ووڈ کے دبنگ سپر اسٹار سلمان خان اور معروف گلوکارارجیت سنگھ کے درمیان سرد جنگ کا خاتمہ ہوگیا ہے جس کے بعد اب وہ سلو میاں کی فلم ''ٹیوب لائٹ'' کے لیے گانا گائیں گے۔

بالی ووڈاسٹار سلمان خان کی فلم ''سلطان''سے ارجیت سنگھ کی آواز میں گایا ہوا گیت ''جگ گھومیا'' نکال دیا گیا تھا جس پر گلوکار نے سوشل میڈیا پر سلو میاں سے معافی مانگتے ہوئے گیت کو فلم میں شامل کرنے کی درخواست کی تھی تاہم سلو میاں نے گلوکار کو پہچاننے سے انکار کرتے ہوئے فلم سے گیت نکلوانے کی تردید کی تھی لیکن اب دونوں شخصیات میں جاری سرد جنگ کا عنقریب خاتمہ ہونے والا ہے۔

اس خبر کو بھی پڑھیں:بھارتی گلوکار ارجیت سنگھ کو سلمان خان کی ناراضگی مہنگی پڑ گئی

بھارتی میڈیا رپورٹس کے مطابق گلوکار ارجیت سنگھ ہدایتکارکبیر خان کی فلم ''ٹیوب لائٹ'' کے لیے اپنی آواز کا جادو جگائیں گےاور گیت کو فلم میں مرکزی کردار ادا کرنے والے سپر اسٹار سلمان خان پر فلمایا جائے گا جس کے بعد دونوں شخصیات میں جاری سرد جنگ کے خاتمے کا امکان ہے جب کہ گلوکار ارجیت سنگھ نے بھی سلمان خان کے لیے گیت گانے کی خبر کی تصدیق کردی ہے۔

اس خبر کو بھی پڑھیں:راحت فتح علی کے بعد عاطف اسلم نے بھی بھارتی گلوکار ارجیت سنگھ کی چھٹی کرادی

واضح رہے کہ فلم ''سلطان'' سے گلوکار ارجیت سنگھ کی آواز میں گئے ہوئے گیت کو نکال کرپاکستانی گلوکار راحت فتح علی خان کی آواز کو شامل کیا گیا تھا۔