سرکار3 سے ایشوریا اورابھیشیک کی چھٹی

فلم سرکارکے تیسرے سیکوئل کا پہلا منظر 26 اگست کو لانچ کیا جائے گا، ہدایتکار: فوٹو: فائل

---

بالی ووڈ انڈسٹری کے مایہ ناز ہداہتکاروپروڈیوسررام گوپال ورما نے اپنی نئی آنے والی فلم سرکار کے تیسرے سیکوئل کے لیے اداکارہ ایشوریا رائے اور اداکار ابھیشیک بچن کو فلم کا حصہ بنانے سے انکار کردیا۔

بھارتی میڈیا رپورٹس کے مطابق بالی ووڈ انڈسٹری کے مایہ ناز ہداہتکارو پروڈیوسر رام گوپال ورما 2005 میں ریلیز ہونے والی اہنی فلم سرکارکی تیسرا سیکوئل بنانے جارہے ہیں، فلم کے لیے ایک بارپھردوسرے سیکوئل "سرکارراج" کی طرح اداکارابھیشیک اوراداکارہ ایشوریا کا نام لیا جارہا تھا تاہم ہدایتکار نے دونوں کو اپنی فلم کا حصہ بنانے کے حوالے سے سماجی رابطے کی ویب سائٹ پر اظہار کردیا ہے۔

ہدایتکار کا کہنا ہے کہ فلم سرکارکے تیسرے سیکوئل کا پہلا منظر 26 اگست کو لانچ کیا جائے گا جب کہ دونوں اداکار ابھیشیک اورایشوریا فلم کا حصہ نہیں ہیں۔ ہدایتکارکی جانب سے فلم میں مرکزی کردارادا کرنے والی بگ بی امیتابھ بچن کوبھی فلم کا حصہ بنانے یا نہ بنانے کی یقین دہانی نہیں کرائی گئی۔

Sarkar 3 first look will be launched on 26th August..Going by the story both Abhishek and Aishwarya will not be featuring in this segment

— Ram Gopal Varma (@RGVzoomin) August 20, 2016

اس خبر کو بھی پڑھیں: ایک فلاپ فلم کے بعد لوگ فون بھی نہیں اٹھاتے

ہدایتکارکی جانب سے مزید کہا گیا کہ تیسرے سیکوئل کی دیگرکاسٹ کا بھی جلد اعلان کیا جائے گا جب کہ یہ فلم ریلیزکی گئی دیگردو فلموں سے مزید بڑی اورکہانی کے حوالے سے زیادہ مضبوط ہوگی۔

Scale of Sarkar 3 will be much more larger and intense than the earlier two...Rest of the cast details will be soon announced

— Ram Gopal Varma (@RGVzoomin) August 20, 2016

واضح رہے کہ فلم سرکار2005 میں ریلیزہونے والی فلم ہے جب کہ اس کا دوسرا سیکوئل 2008 میں ریلیزکیا گیا تھا جس میں بگ بی کے ساتھ ایشوریا اورابھیشیک نے اداکاری کے جوہردکھائے تھے۔