جھیل سیف الملوک روڈ پرسیلفیاں لیتے 3 خواتین جاں بحق

خواتین گلیشئر کے اندر ہول میں تصویریں اتار رہی تھیں کہ برف کا تودہ ان پر آن گرا، پولیس

ویب ڈیسک August 21, 2016

جاں بحق ہونے والی تینوں خواتین کا تعلق کراچی سے ہے، پولیس فوٹو: فائل

جھیل سیف الملوک روڈ پر سیلفیاں لیتے ہوئے 3 خواتین گلیشیئر تلے دب کر جاں بحق ہوگئیں ۔

ایکسپریس نیوز کے مطابق بالاکوٹ میں جھیل سیف الملوک روڈ پرخواتین گلیشیئرمیں کھڑی تصاویر بنا رہی تھیں کہ اچانک برف کا تودہ ان پرآ ن گرا، جس کے نتیجے میں تینوں خواتین گلیشیئر تلے دب کر جاں بحق ہوگئیں۔

اس خبر کو بھی پڑھیں:کاغان میں سیلفی لینے کے شوق میں خاتون سمیت 2 افراد جاں بحق

پولیس کا کہنا ہے کہ جاں بحق ہونے والی تینوں خواتین کا تعلق کراچی سے ہے اوروہ سڑک کنارے گلیشئر کے اندر ہول میں تصویریں اتاررہی تھیں، لاشوں کو ضابطے کی کارروائی کے لئے قریبی اسپتال منتقل کردیا گیا ہے۔