ڈومسٹک کرکٹر فخرالاسلام کراچی میں کھیلے جانے والے میچ کے دوران انتقال کرگئے۔

ایکسپریس نیوز کے مطابق کراچی میں جاری ڈومسٹک میچ میں کرکٹر فخرالاسلام فیلڈنگ کے دوران گیند پکڑتے ہوئے اچانک زمین پر گرگئے جس کے بعد تمام کھلاڑی ان کے پاس آگئے اور انہیں اٹھانے کی کوشش کی گئی جب کہ اس دوران میچ بھی روک دیا گیا۔ کرکٹر فخرالاسلام کے ہوش میں نہ آنے پرفوری طور پر انہیں قریبی اسپتال منتقل کیا گیا جہاں ڈاکٹروں کے مطابق کرکٹر کو فیلڈنگ کے دوران دل کا دورہ پڑا جس سے ان کا انتقال ہوا۔