عزت اورشہرت حاصل کر چکی مزیدکسی چیز کی خواہش نہیں اداکارہ میرا

جب بھی کسی پروجیکٹ میں کردار ادا کرنے کی پیشکش ہوتی ہے اس کا بغور جائزہ لیتی ہوں، میرا۔ فوٹو : فائل

---

نامور اداکارہ میرا نے کہا ہے کہ اپنی محنت کے بل بوتے پر عزت اورشہرت حاصل کر چکی ہوں اب مزید کسی چیز کی خواہش نہیں ، دل میں انسانیت کی خدمت کا جذبہ موجود ہے اور اس کے لیے اپنا ہر ممکن کردار ادا کر رہی ہوں ۔

ایک انٹر ویو میں اداکارہ نے کہا کہ سمجھ سے بالا تر ہے کہ بعض لوگ دوسروں کیخلاف محاذ کھولنے اور پراپیگنڈا کرنے کے لیے کیسے وقت نکال لیتے ہیں۔ میرا نے کہا کہ فلم انڈسٹری سے کنارا کشی اختیار نہیں کی ، جب بھی کسی پروجیکٹ میں کردار ادا کرنے کی پیشکش ہوتی ہے اس کا بغور جائزہ لیتی ہوں اور پھر ہی کام کرنے کی حامی بھرتی ہوں۔