کراچی کے علاقے منگھوپیر میں کارروائی کے دوران 3 دہشتگرد ہلاک پولیس

ملزمان سے فائرنگ کے تبادلے میں 2 پولیس اہلکار بھی زخمی ہوئے، پولیس۔ فوٹو؛ فائل

---

ISLAMABAD: پولیس نے منگھو پیر میں مقابلے کے دوران 3 دہشت گردوں کو ہلاک کرنے کا دعویٰ کیا ہے جب کہ فائرنگ کےتبادلے میں 2 پولیس اہلکار بھی زخمی ہوگئے۔

ایکسپریس نیوز کے مطابق کراچی کے علاقے منگھوپیر میں پولیس نے دہشت گردوں کی موجودگی کی خفیہ اطلاع پر چھاپا مارا جس پر علاقے میں چھپے دہشت گردوں نے پولیس پر فائرنگ کردی جب کہ پولیس ٹیم کی جوابی فائرنگ کے نتیجے میں 3 دہشت گرد ہلاک ہوگئے۔

پولیس کے مطابق ملزمان سے فائرنگ کے تبادلے میں 2 پولیس اہلکار بھی زخمی ہوئے جنہیں اسپتال منتقل کردیا گیا جب کہ ہلاک ملزمان کے قبضے سے اسلحہ اور دیگر سامان بھی برآمد ہوا ہے۔ پولیس نے ہلاک ہونے والے دہشت گردوں کی لاشیں تحویل میں لے لی ہیں جب کہ علاقے میں ممکنہ طور دہشت گردوں کے دیگر ساتھیوں کی موجودگی کے شبے میں سرچ آپریشن جاری ہے۔