اداکارہ پریانکا چوپڑا اب باکسنگ کے رنگ میں

پریانکا چوپڑا نے اپنے ٹوئٹر اکاؤنٹ پر کہا کہ وہ میری کام سے مل کرسب سے پہلے ان سے ہینڈ گلوز پہننا سیکھیں گی۔ فوٹو: اے ایف پی/ فائل

---

اداکارہ پریانکا چوپڑا اپنی آنے والی فلم میں باکسر''ایم سی میری کام'' کا کردار نبھائیں گی جو اولمپک گیمز میں کانسی کا تمغے بھی جیت چکی ہیں۔

پریا نکا چوپڑا اس کردار میں حقیقت کا روپ بھرنے کے لئے باکسر ''ایم سی میری کام'' کے شہر منی پور جائیں گی جہاں وہ ان کی زندگی اوررہن سہن سے متعلق معلومات حاصل کریں گی۔

پریا نکا چوپڑا نے سوشل ویب سائٹ ٹوئٹر پر کہا کہ وہ ''میری کام'' سے مل کرسب سے پہلے ان سے ہینڈ گلوز پہننا سیکھیں گی۔ دوسری جانب باکسر کا کہنا ہے کہ ان کے لئے یہ بے حد خوشی کی بات ہے کہ وہ پریانکا کو اپنا شہر، گھر اور اپنے رہن سہن سے متعارف کرائیں گی۔

اطلاعات ہیں کہ ''ایم سی میری کام'' بھی اس فلم میں ایک مہمان اداکارہ کے طورپر نظرآئیں گی۔