سعودی عرب میں مسجد پر خودکش حملے کی کوشش ناکام پاکستانی حملہ آور ہلاک

حملہ آور نے مسجد میں گھسنے کی کوشش کی تو سیکیورٹی اہلکار نے اس پر فائرنگ کردی۔ فوٹو؛ فائل

---

KARACHI: سعودی سیکیورٹی فورسز نے مسجد پر خود کش حملے کی کوشش ناکام بنادی جب کہ حکام نے خودکش حملہ آور کے پاکستانی شہری ہونے کا دعویٰ کیا ہے۔

غیر ملکی خبر رساں ادارے کے مطابق سعودی شہر قطیف میں مشتبہ شخص نے مسجد میں داخل ہونے کی کوشش کی جس پر سیکیورٹی اہلکار نے اسے روکنا چاہا تو حملہ آور نے اپنے آپ کو دھماکے سے اڑانا چاہا تاہم اس دوران وہاں موجود سیکیورٹی اہلکاروں نے حملہ آور کو فائرنگ کرکے ہلاک کردیا۔

سعودی حکام کے مطابق حملہ آور کے پاس سے 4 کلوگرام وزنی بم برآمد ہوا ہے جب کہ اس کا تعلق پاکستان سے ہے تاہم اس بارے میں مزید تفتیش کی جارہی ہے۔