پاکستان اپنی سرزمین کسی کیخلاف استعمال نہیں ہونے دیگا اعزاز چوہدری

حقانی سمیت دہشتگرد گروپوں کیخلاف بلاامتیاز کارروائی کی لیکن امریکا نے تسلیم نہیں کیا

APP/Numainda Express August 26, 2016

اوباما کے معاون خصوصی کی ملاقات، دہشتگردی کے خلاف قربانیوں کو تسلیم کرتے ہیں، پیٹر لیوائے فوٹو؛ فائل

امریکی صدر کے معاون خصوصی پیٹرلیوائے نے کہا کہ دہشتگردی کیخلاف پاکستانی عوام اور مسلح افواج کی کامیابیوں کو تسلیم کرتے ہیں۔

ان خیالات کا اظہار انہوں نے گذشتہ روز سیکریٹری خارجہ اعزاز چوہدری سے ملاقات میں گفتگو کرتے ہوئے کیا۔ ملاقات میں دونوں ممالک کے درمیان تعلقات کا جائزہ لیا گیا۔ اس موقع پر پیٹرلیوائے نے مزید کہا کہ افغانستان میں امن و استحکام کیلیے پاکستان کے اقدامات قابل تحسین ہیں۔ خطے میں امن اور استحکام کیلئے دونوں ممالک کو مل کر کوششیں جاری رکھنا ہوں گی۔

سیکریٹری خارجہ نے کہا کہ پاکستان اپنی سرزمین دوسرے ملک کیخلاف استعمال ہونے کی اجازت نہیں دے گا۔ مسائل کے حل کیلیے دونوں ممالک کے درمیان مفاہمت اور تعاون ضروری ہے۔