مٹھی بیٹے نے غیرت کے نام پر ماں کو قتل کردیا

شقی القلب بیٹے نے 40 سالہ ماں کو کلہاریوں کے وار کرکے قتل کردیا

---

مٹھی کے گائوں میں شقی القلب بیٹے نے غیرت کے نام پر اپنی ماں کو کلہاڑیاں مار کر قتل کردیا، پولیس نے ملزم کو گرفتار کرلیا،ملزم کا اپنی ماں پر بدچلنی کا الزام۔ تفصیلات کے مطابق مٹھی کے نواحی گائوں سانھیاسر میں شقی القلب بیٹے پربھو بھیل نے اپنی ماں 40 سالہ میگھی بھیل کو گھر میں کلہاڑیاں مار کر قتل کردیا،

اطلا ع پر مٹھی پولیس واقعے کی جگہ پہنچ گئی اور ملزم کو گرفتار کرلیا ۔ مقتولہ کے بھائی سامتو بھیل کی فریاد پر مقدمہ درج کرلیا گیا ہے ، پولیس نے لاش تھانے کے باہر کئی گھنٹے زمین پرپھینک دی ، ملزم نے اعتراف جرم کرتے ہوئے الزام لگایا کہ اس کی ماں کے میرے کزن سے ناجائز تعلقات تھے اس لیے غیرت میں آکر ماں کو قتل کردیا۔