فلم انڈسٹری تیزی سے احیا کی جانب گامزن ہے ارمینہ رانا

کینیڈین نژاد پاکستانی اداکارہ ارمینہ رانا کا کہنا ہے کہ پاکستانی فلم انڈسٹری تیزی سے احیا کی جانب گامزن ہے۔


کینیڈین نژاد پاکستانی اداکارہ ارمینہ رانا کا کہنا ہے کہ ہمیں اس وقت زیادہ سے زیادہ پاکستانی فلموں کو سپورٹ کرنے کی ضرورت ہے،پاکستان فلم انڈسٹری کا نیا خوبصورت ابھرتا ہوا چہرہ ارمینہ رانا خان فلم ''جانان'' میں اداکاری کرتی نظر آئیں گی۔

انھوں نے بہت کم عرصے میں متعدد ڈراموں اور فلموں میں بہترین اداکاری کرکے اپنے فن کا لوہا منوایا، ان کی گذشتہ سال ریلیز ہونے والی فلم''بن روئے'' پر انھیں فلم ناقدین اور پرستاروں کی جانب سے کافی پذیرائی ملی، ارمینہ بالی ووڈ فلم اور میوزک ویڈیو میں بھی کام کرچکی ہیں، ان کی فلم ''جانان'' عید الاضحی پر سینما گھروں کی زینت بنے گی جبکہ ان کی آنے والی فلم یلغار کی ریلیز اگلے سال متوقع ہے۔