تیز رفتار بسو الٹ گئی 2افراد جاں بحق 5زخمی

کراچی سے میرپورخاص آنے والی تیز رفتار مسافر بس رتن آباد کے قریب ڈرائیور سے بے قابو ہو کر موٹرسائیکل سے ٹکراتی ہوئی الٹ گئی. فوٹو: فائل

---

کراچی سے میرپورخاص آنے والی تیز رفتار بس الٹنے سے 2 موٹر سائیکل سوار جاں بحق جبکہ5 مسافر زخمی ہوگئے۔

تفصیلات کے مطابق کراچی سے میرپورخاص آنے والی تیز رفتار مسافر بس رتن آباد کے قریب ڈرائیور سے بے قابو ہو کر موٹرسائیکل سے ٹکراتی ہوئی الٹ گئی جس کے نتیجے میں ٹنڈوالہیار کے رہائشی موٹر سائیکل سوار 35 سالہ صدیق جروار اور 40 سالہ میوو جروار موقع پر ہی جاں بحق ہوگئے جبکہ بس سوار 25 سالہ غلام نبی، 20 سالہ عابد، 40 سالہ سیما، 70 سالہ سائرہ اور 50 سالہ عبدالرزاق زخمی ہو گئے۔

لاشوں اور زخمیوں کو سول اسپتال میرپورخاص منتقل کیا گیا، جہاں سے لاشیں ورثاء کے حوالے کر دی گئیں اور زخمیوں کو طبی امداد کے بعد فارغ کر دیا گیا۔ واقعہ کے بعد بس کو پولیس نے اپنی تحویل میں لے لیا، تاہم ڈرائیور موقع سے فرار ہونے میں کامیاب ہو گیا۔