ڈاکوئوں نے وین سے ساڑھے 13 لاکھ روپے لوٹ لیے مزاحمت پرگارڈ ہلاک

طبی امداد کے لیے جناح اسپتال پہنچایا گیا،دوران علاج گارڈ فیروز عالم دم توڑ گیا فوٹو: فائل

---

بوٹ بیسن کے علاقے میں مسلح ڈاکوؤں نے نجی منی چینجر کی وین سے 13 لاکھ 50 ہزار روپے لوٹنے کے بعد نجی سیکیورٹی کمپنی کے گارڈ کو فائرنگ کر کے ہلاک کر دیا۔

تفصیلات کے مطابق بوٹ بیسن تھانے کی حدود شارع رومی بوٹ بیسن چوک کے قریب موٹر سائیکل سوار ملزمان نے نجی منی چینجر کی وین کو روک کر اس میں موجود ڈرائیور اور سیکیورٹی گارڈ کو یرغمال بنا کر وین سے ایک تھیلے میں رکھے13 لاکھ 50 ہزار روپے لوٹ لیے ملزمان فرار ہو رہے تھے کہ وین کے ساتھ موجود نجی سیکیورٹی کمپنی کے گارڈ نے ملزمان کو روکنے کی کوشش کی جس پر ملزمان نے فائرنگ کر دی۔



جس کے نتیجے میں سیکیورٹی گارڈ 55 سالہ فیروز عالم ولد ارشاد علی شدید زخمی ہو گیا اسی اثنا میں ملزمان فائرنگ کرتے ہوئے فرار ہونے میں کامیاب ہو گئے، زخمی ہونے والے گارڈ کو طبی امداد کے لیے جناح اسپتال لایا گیا جہاں وہ دوران علاج زخموں کی تاب نہ لاتے ہوئے دم توڑ گیا،پولیس کے مطابق مقتول شاہ فیصل کالونی ریتا پلاٹ مکان نمبر 1/1369 کا رہائشی تھا ، واردات کے بعد ڈی ایس پی نیر الحق اور ایس ایچ او نصیر تنولی نے اپنے موبائل فون بند کر دیے۔