انگلینڈ کے خلاف دوسرے میچ میں پاکستانی اوپنر سمیع اسلم تھرڈ امپائر کے متنازع فیصلے کا شکار ہوگئے۔

سمیع اسلم کے شاٹ کھیلنے کی ناکام کوشش میں کرس ووئکس کی گیند وکٹ کیپر جوز بٹلر کے گلوز میں محفوظ ہوئی۔ کیچ کی اپیل مسترد کیے جانے پر انگلش کپتان ایون مورگن نے ریویو لیا، تھرڈ امپائر نے ہاٹ اسپاٹ پر کوئی نشان نظر نہ آنے کے باوجود سنیکو کی ہلکی آواز پر سمیع کو آؤٹ قرار دے دیا۔ سابق انگلش کپتان مائیک ایتھرٹن اور ناصر حسین نے فیصلے کو متنازع قرار دیتے ہوئے کہا کہ ہاٹ اسپاٹ پر کوئی نشان نظر آیا نہ ہی گیند کی ڈائریکشن تبدیل ہوئی تھی۔