فلم ’’چشم بددور ‘‘تکمیل کے مراحل میں داخل ہوگئی علی ظفر

معرو ف گلوکارو اداکار علی ظفر کا کہنا ہے پاکستان اور ہندوستان کے فنکار ملکر معیاری کام کر رہے ہیں، ہندوستان میں کام کرنے کا مزہ آرہا ہے۔


ملک کا نام روشن کرنا چاہتا تھا ،آج مجھے ایسالگتا ہے میں اس میں کامیاب ہورہا ہوں، پاکستانی فنکار اپنے کا م سے د نیا بھر میں جانے جاتے ہیں ۔ان خیالات کا اظہار انھوں نے نمائندہ ایکسپریس سے گفتگو کرتے ہوئے کیا ۔ان کا کہنا تھا کے ہمارے عوام فلم میں کچھ نیا پن دیکھنا چاہتے ہیں۔

میری کوشش ہوتی ہے کہ میں ،پاکستانی عوام کے معیار پر پورا اتر سکوں ،پاکستان کی طرح ہندوستان کی عوام بھی بہت محبت کرتے ہیں۔یہاں آکر غیریت کا احساس نہیں ہوتا پاکستان کے کھانے اور کلچر ہندوستان سے ملتا جلتا ہے گلوکار علی ظفر ان دنوں بھارت کی نئی آنے والی فلم ''چشم بددور'' کی شوٹنگ میں مصروف ہوں اس فلم میں مرکزی کردار نبھارہوں میرے ساتھ رشی کپور،انوپم کھیر،ورون،دیوندا شرما،جوہی چاولہ،تپسی پنو، سدھارت، اور دھاون سمیت ہندوستان کے معروف فنکار کام کر رہے ہیں۔