سیاست کا شوق ہے‘عطاء اللہ عیسیٰ خیلوی

سیاست میں بھی تبدیلی کی ضرورت ہے، عطااللہ عیسیٰ خیلوی۔ فوٹو: فائل

---

گلوکار عطاء اللہ عیسی خیلوی نے کہا ہے کہ مجھے بھی سیاست کا شوق ہے مگر فی الحال کسی بھی سیاسی جماعت کی انتخابی سیاست میں حصہ لینے کا فیصلہ نہیں کیا۔

ایک ملاقات میں عطاء اللہ عیسٰی خیلوی نے کہا کہ سیاست کوئی بری چیز نہیں کیونکہ اگر سیاست عوامی خدمت کے جذبے سے کی جائے تو یہ بھی ایک عبادت ہے۔ انھوں نے کہا کہ سیاست میں بھی تبدیلی کی ضرورت ہے اور اس وقت مختلف سیاسی جماعتیں تبدیلی کی بات کر رہی ہیں۔