ٹیسکا چوپڑا کی فلم ’’10ایم ایل لو ‘‘آج ریلیز ہوگی

ٹیسکا چوپڑا کو بھارت کی خوش لباس اداکارائوں میں ایک خاص مقام حاصل ہے۔ فوٹو: فائل

---

بالی وڈ اداکارہ ٹیسکا چوپڑا کی نئی فلم ''10ایم ایل لو ''آج ریلیز کی جارہی ہے ۔

ہدایت کار شرت کی اس کامیڈی فلم میں پراب کوہلی بھی اہم کردار نبھارہے ہیں ۔ٹیسکا کو فلم میں اہم کردار دیا گیا ہے۔ 39سالہ اداکارہ کی پہلی بڑی فلم 2007میں ریلیز ہونے والی ''تارے زمین پر ''تھی ،جس میں انھوں نے عامر خان کے ساتھ پرفارم کیا اور اسی فلم پر انھیں کئی نیشنل ایوارڈ بھی دیئے گئے ۔اداکارہ ٹیسکا چوپڑا کو بھارت کی خوش لباس اداکارائوں میں ایک خاص مقام حاصل ہے ۔



2008میں اداکارہ کو فلم ''فراق ''میں عمدہ پرفارمنس پر ایوارڈ سے نوازا گیا ۔ٹیسکا نے ہندو کالج یونیورسٹی آف نئی دہلی سے انگریزی ادب میں ماسٹر کیا ۔ٹیسکاکو بچپن سے ہی اداکاری کا شوق رہا اور انھوں نے اسکول کے زمانے میں ہونیوالے بچوں کے ڈراموں میں پرفارم کیا کالج میں تھیٹر میں پرفارم کرنے کا موقع ملا۔