’’عجب پریم کی غضب کہانی‘‘ کے دوران کترینہ سے محبت ہوئی رنبیر

بالی ووڈ اداکار رنبیر کپور اور کترینہ کیف کے بارے میں خبریں آئے روز میڈیا کی زینت بنتی رہتی ہیں اور اب رنبیر کپور نے کترینہ کیف کے ساتھ محبت کا انکشاف کرتے ہوئے کہا ہے کہ انھیں فلم "عجب پریم کی غضب کہانی" کے دوران ہی کترینہ سے محبت ہوگئی تھی ۔


ایک میگزین کو انٹرویو کے دوران رنبیر کا کہنا تھا کہ "عجب پریم کی غضب کہانی" فلم دل کو چھو لینے والی تھی اور وہ اسی فلم کی شوٹنگ کے دوران کترینہ کی محبت میں گرفتار ہوگئے تھے. رنبیر کپور کا مزید کہنا تھا کہ کترینہ کیف میرے والدین کے علاوہ دوسری شخصیت ہیں جن سے میں بہت متاثرہوں اوراس نے میرا بہت حوصلہ بڑھایا ہے.

اداکارکا کہنا تھا کہ مجھے کترینہ سے جتنی محبت ہے میں اسے الفاظ میں بیان نہیں کرسکتا جب کہ کوئی بھی میرے اور اداکارہ کے رشتے کو سمجھ ہی نہیں سکتا ہے۔