بگ بیش دنیا کے دو عظیم سابق اسپنرز وارن اور مرلی کا آج ٹکراؤ

رینیگیڈز کیلیے 200 فیصد صلاحیتوں کا مظاہرہ کروں گا۔، مرلی دھرن فوٹو: فائل

---

بگ بیش میں دنیا کے دو عظیم سابق اسپنرز شین وارن اور مرلی دھرن کا ٹکرائو جمعے کو ہوگا جب افتتاحی میچ میں میلبورن رینیگیڈز مقامی حریف میلبورن اسٹارز سے مقابلہ کرے گی۔

مرلی دھرن رینیگیڈز جبکہ وارن اسٹارز کا حصہ ہیں، ماضی کے دو سپر اسٹارز کی موجودگی کے باعث اس مقابلے کا بے چینی سے انتظار کیا جارہا ہے، اس حوالے سے مرلی دھرن نے کہا کہ وارن سے مقابلے کے بجائے اپنی ٹیم کیلیے بہتر پرفارمنس پر توجہ مرکوز کیے ہوئے ہوں۔

انھوں نے کہا کہ یہ اچھی بات ہے کہ اس مقابلے کو پہلے سے کافی شہرت حاصل ہوچکی، میرے اور وارن کے نہیں بلکہ دو ٹیموں کے درمیان یہ ایک شاندار مقابلہ ثابت ہوگا، مرلی دھرن نے کہا کہ رینیگیڈز کیلیے 200 فیصد صلاحیتوں کا مظاہرہ کروں گا۔