ایل او سی پر بھارتی فوج کی بلا اشتعال فائرنگ پر پاک فوج کا منہ توڑ جواب

بھارتی بلا اشتعال فائرنگ سے تاحال کسی جانی نقصان کی اطلاع موصول نہیں ہوئی، آئی ایس پی آر، فوٹو؛ فائل

---

لائن آف کنٹرول پر تھوب اور بھمبھر سیکٹر میں بھارتی فوج نے بلا اشتعال فائرنگ کی جب کہ پاک فوج کی جانب سے بھارتی فائرنگ کا منہ توڑ جواب دیا گیا۔

پاک فوج کے شعبہ تعلقات عامہ (آئی ایس پی آر) کے مطابق بھارتی فوج کی جانب سے لائن آف کنٹرول پر تھوب اور بھمبھر سیکٹر میں بلا اشتعال فائرنگ کی گئی جس کے جواب میں پاک فوج نے بھارتی فائرنگ کا منہ توڑ جواب دیا۔ آئی ایس پی آر کے مطابق بھارتی بلا اشتعال فائرنگ سے تاحال کسی جانی نقصان کی اطلاع موصول نہیں ہوئی۔