تحریک انصاف کے جلسے میں ایک بار پھر خواتین کارکنوں سے بدتمیزی

کچھ نوجوانوں نے خواتین سے بدتمیزی کی جس پر ایک خاتون نے نوجوان کی ڈنڈے سے پٹائی کردی۔ اسکرین گریب/ ایکسپریس نیوز

---

تحریک انصاف کی ریلی کے دوران ایک بار پھر خواتین کے ساتھ بدتمیزی کی گئی تاہم اس دوران خاتون نے ڈنڈے سے ایک نوجوان کی پٹائی کردی۔

چیرنگ کراس پر تحریک انصاف کے چیرمین عمران خان کے خطاب کے بعد جیسے ہی کارکنان اپنے گھروں کی جانب روانہ ہوئے تو اس دوران ریلی میں بد نظمی دیکھنے میں آئی اور رش سے فائدہ اٹھاتے ہوئے کچھ نوجوانوں نے خواتین سے بدتمیزی کی کوشش کی لیکن اس دوران ایک خاتون نے ڈنڈے سے نوجوان کی پٹائی کردی۔

ریلی کے پنڈال میں بدنظمی پر خواتین کی چیخ و پکار شروع ہوگئی اور اس دوران بعض خواتین رو پڑیں تاہم تحریک انصاف کے بعض کارکنان نے صورتحال پر قابو پاتے ہوئے خواتین کو اپنے حصار میں پنڈال سے باہر نکالا۔