امریکی بحریہ کے ترجمان نے ایران کے ہاتھوں امریکی ڈرون طیارے کے شکار کی خبر کی تصدیق کرتے ہوئے کہا ہے کہ کچھ دن قبل امریکا کا سکین ایگل نامی ڈرون طیارہ لاپتہ ہوگیا تھاجواب ایران کے قبضہ میں ہے۔

غیرملکی خبررساں ادارے کے مطابق جیسن سولانا نے کہا کہ اسکین ایگل خلیج فارس میں لاپتہ ہوا، ترجمان نے ایرانی فضائی حدود کی خلاف ورزی کی تردید کی اورکہا امریکی ڈرون خلیج فارس کے بین الاقوامی سمندرمیں پروازکرتے ہیں۔