صدر زرداری آج ایرانبرطانیہ فرانس اور ترکی کے دورے پر روانہ ہوں گے

صدر آصف زرداری جنوبی کوریا کا 3روزہ سرکاری دورہ مکمل کرنے کے بعد جمعرات کو وطن واپس پہنچ گئے۔


آج(جمعے کو) ایران روانہ ہوجائیں گے اور 9 دسمبرسے برطانیہ ، فرانس اور ترکی کا دورہ شروع کریں گے۔ ایران میں صدر زرداری اپنے ایرانی ہم منصب احمدی نژاد سے ملاقات کریں گے جس میں پاک ایران گیس پائپ لائن منصوبے کو حتمی شکل دی جائے گی۔

صدر مملکت ایران سے برطانیہ کے ایک دن کے دورے پر چلے جائیں گے اور برمنگھم میں ملالہ یوسفزئی سے ملاقات کریں گے۔ سرکاری ذرائع کے مطابق صدر مملکت برطانیہ سے فرانس کے دارالحکومت پیرس جائیں گے جہاں سے وہ ترکی چلے جائیں گے اورپاک افغان ترکی سہ فریقی کانفرنس میں شرکت کریں گے۔