سندھ کے وزیرکھیل نے نجی ٹی وی کے کیمرہ مین کو زخمی کردیا

محمد بخش مہر این ای ڈی یونیورسٹی کے اسپورٹس گالا کا افتتاح کرنے بطور مہمان خصوصی پہنچے تھے۔ فوٹو؛ فائل

---

سندھ کے وزیرکھیل محمد بخش مہر نے این ای ڈی یونیورسٹی کے اسپورٹس گالا میں فٹبال کو کک لگا کر نجی ٹی وی کے کیمرہ مین کو زخمی کردیا۔

ایکسپریس نیوز کے مطابق سندھ کے وزیرکھیل محمد بخش مہر این ای ڈی یونیورسٹی کے اسپورٹس گالا کا افتتاح کرنے بطور مہمان خصوصی پہنچے تو یہاں بھی اپنی فٹنس دکھانے کی کوشش میں فٹبال کو زور دار کک لگائی جو گول پوسٹ میں جانے کی بجائے نجی ٹی وی کے کیمرہ مین کی آنکھ پر جالگی جس سے وہ زخمی ہوگئے لیکن وزیر کھیل نے دلاسہ دینے تک کی زحمت نہ کی اور ہنستے مسکراتے چل دیئے۔