انیل کپور اورارجن کپور ایک ساتھ پہلی بار فلم میں جلوہ گر ہوں گے

بالی ووڈ اسٹار انیل کپور اپنے بھتیجے ارجن کپور کے ساتھ پہلی بار فلم ''مبارکاں'' میں جلوہ گر ہوں گے۔

بالی ووڈ ہدایتکار انیس بزمی نے اپنی نئی آنے والی فلم ''مبارکاں'' میں انیل کپور کو کام کرنے کی پیش کش کی جس کے لیے انہوں نے حامی بھرلی ہے جس کے بعد پہلی بار انیل کپور اپنے بھتیجے اور بونی کپور کے بیٹے ارجن کپور کے ساتھ کسی بھی فلم میں جلوہ گر ہوں گے جب کہ فلم کی کاسٹ میں انیل کپور اور ارجن کپور کے علاوہ سنیل شیٹھی کی بیٹی آتھیاشیٹھی اور الینا ڈی کروزبھی شامل ہیں۔

دوسری جانب انیل کپور نے سماجی رابطے کی ویب سائٹ ٹوئٹر پر اپنی ٹوئٹ میں فلم ''مبارکاں'' کے اعلان پر مسرت کا اظہار کیا جب کہ ہدایتکار انیش بزمی کا کہناتھا کہ فلم کی شوٹنگ رواں سال شروع کردی جائے گی اور اگلے برس جولائی میں نمائش کے لیے پیش کی جائے گی۔