سوشل میڈیا پرسلویسٹراسٹالون کی موت کی افواہ پھیل گئی

سلویسٹر اسٹالون نے اپنے موت کی افواہ کے پھیلنے پر برہمی کا اظہارکیااور کہا کہ وہ زندہ ہیں فوٹو: فائل

---

گزشتہ روز سوشل میڈیا پر ہالی ووڈ سپر اسٹار سلویسٹر اسٹالون کے موت کی جھوٹی افواہ پھیل گئی۔

جس نے ان کے پرستاروں کو ایک دم غمزدہ کردیا اور کسی نے بھی اس کی تحقیق کرنے کی ضرورت محسوس نہ کی تاہم سلویسٹر اسٹالون نے اپنے موت کی افواہ کے پھیلنے پر برہمی کا اظہارکیااور کہا کہ وہ زندہ ہیں میڈیارپورٹس کے مطابق گزشتہ روز سلوسٹراسٹالون کی باکسر سرگئی کوولیف کے ساتھ ایک تصویر شیئر کی گئی جس میں سرگئی کو سلویسٹر اسٹالون کو مکا مارتے دکھایاگیا اور کہا گیا کہ اس مکے سے اداکار چل بسے ہیں ۔

تاہم اداکار نے ٹویٹر پر اپنے ایک پیغام میں کہا ہے کہ وہ زندہ ہیں اور یہ تصویر ایک تقریب کے دوران بنائی گئی جس میں ایساکچھ نہیں ہوا اور نہ ہی وہ کسی مکے سے مرنے والے ہیں لوگوں کو کسی بھی خبرکو آگے پھیلانے یا اس پر یقین کرنے سے پہلے پوری طرح تصدیق کرلیناچاہیے ۔