منیشا کوئرالہ کا آپریشن 10 دسمبر تک ملتوی

منیشا کی جلد صحتیابی کے لیے ساتھی فنکاروں نے دعائیں مانگنے کے لیے درباروں اور درگاہوں کا رخ کرلیا ہے۔ فوٹو: فائل

---

بالی وڈ کی مشہور اداکارہ منیشا کوئرالہ کا آپریشن 10دسمبر تک ملتوی کردیا گیا ہے۔

منیشا کو جمعرات کے روز اوویرین کینسر کے آپریشن کے لیے نیویارک کے اسپتال میں داخل کیا گیا تھا۔ منیشا کے منیجر کا کہنا ہے کہ آپریشن جمعرات کو متوقع تھا لیکن کئی معائنوں کے بعد ڈاکٹروں نے آپریشن کو 10دسمبر تک ملتوی کرنے کا فیصلہ کیا ہے۔



علاوہ ازیں منیشا کی جلد صحتیابی کے لیے ساتھی فنکاروں نے دعائیں مانگنے کے لیے درباروں اور درگاہوں کا رخ کرلیا ہے، بھارتی اخبار کی رپورٹ کے مطابق بالی وڈ اداکارہ نے اپنے مداحوں کے نام ایک پیغام میں کہا ہے کہ وہ اپنے چاہنے والوں اور ساتھی فنکاروں کی دعائوں سے جلد صحتیاب ہوجائیں گی، انھوں نے اپنے لیے دعائیں مانگنے والوں کا شکریہ بھی ادا کیا ہے۔