کپل شرما بھارت میں رشوت خوری بڑھنے پر مودی پر چڑھ دوڑے

5 سالوں میں 15 کروڑ سے زائد ٹیکس دینے کے باوجود مجھ سے اپنا دفتر بنانے کے لیے5 لاکھ رشوت مانگی ہے،کپل کا ٹوئٹ

ویب ڈیسک September 09, 2016

5 سالوں میں 15 کروڑ سے زائد ٹیکس دینے کے باوجود مجھ سے اپنا دفتر بنانے کے لیے5 لاکھ رشوت مانگی ہے،کپل کا ٹوئٹ، فوٹو : فائل

بھارت کے معروف کامیڈین کپل شرما نے ملک میں بڑھتی ہوئی رشوت ستانی پروزیر اعظم نریندر مودی کو آڑے ہاتھوں لے لیا۔

کامیڈین و اداکار کپل شرما بھارت کی مقبول شخصیات کی فہرست میں سر فہرست ہیں اورٹی وی پر معروف شو ''دی کپل شرما شو'' کے میزبان بھی ہیں جب کہ کپل شرما بھارتی وزیر اعظم نریندر مودی کے بڑے پرستار بھی مانے جاتے ہیں لیکن اب انہوں نے رشوت ستانی پر مودی کو آڑے ہاتھوں لیا ہے۔

I am paying 15 cr income tax from last 5 year n still i have to pay 5 lacs bribe to BMC office for making my office @narendramodi
— Kapil Sharma (@KapilSharmaK9) September 9, 2016

کپل شرما کاسماجی رابطے کی ویب سائٹ ٹوئٹر پراپنی ٹوئٹ میں کہنا تھا کہ میں 5 سالوں میں 15 کروڑ سے زائد ٹیکس دے چکا ہوں لیکن مجھے اپنا دفتر بنانے کے لیے بی ایم سی کو 5 لاکھ کی رشوت دینا ہوگی اس کے بعد دوسرے ٹوئٹ میں انہوں نے کہا تو کیا یہی آپ کے اچھے دن ہیں جب کہ کپل شرما کی ٹوئٹ کے بعد مہاراشٹرا کے وزیراعلیٰ نے کہا کہ رشوت مانگنے والوں کی معلومات دی جائیں ہم انہیں نہیں چھوڑیں گے۔

Yeh hain aapke achhe din ? @narendramodi
— Kapil Sharma (@KapilSharmaK9) September 9, 2016

دوسری جانب کپل شرما کی ٹوئٹ کے بعد سوشل میڈیا پر ایک نئی بحث کا آغاز ہوگیا ہے اور مداحوں کی جانب سے بھارتی وزیر اعظم نریندر مودی اوربھارتیہ جنتا پارٹی کو شدید تنقید کا نشانہ بنایا جارہا ہے جب کہ بعض مداحوں نے ان کے اقدام کو سراہا جارہا ہے۔