عازمین حج کی تعداد انڈونیشیا پہلے جب کہ پاکستان کا دوسرا نمبر

سعودی وزارت حج کے ذرائع کے مطابق اس سال دوسرے ملکوں سے 13 لاکھ 74 ہزار 206افراد سعودی عرب پہنچ چکے ہیں،سب سے زیادہ یعنی ایک لاکھ 68 ہزار 800حاجی انڈونیشیا سے آئے ہیں۔


پاکستانی حاجیوں کی تعداد دوسرے نمبر پر ہے جہاں سے ایک لاکھ 43ہزار افراد حج کی سعادت حاصل کرنے مکہ مکرمہ پہنچے ہیں ہر سال پاکستانی حاجیوں کی تعداد تمام ملکوں سے آنے والے عازمین حج کی کل تعداد کا 10 واں حصہ ہوتی ہے حاجیوں کی تعداد کے لحاظ سے بھارت تیسرے نمبرپر ہے۔ جہاں سے ایک لاکھ 36ہزار، بنگلہ دیش سے ایک لاکھ، نائیجیریا سے 76ہزار، افغانستا ن سے24ہزار، ایران سے 61ہزار،ترکی سے54ہزار، روس سے 16ہزار چار سو، امریکا سے 14ہزار پانچ سو ، چین سے 11ہزار آٹھ سو، سنگا پور سے 680اور مالدیپ سے 370عازمین حج سعودی عرب پہنچے ہیں۔