بھارتی کرکٹر یوراج کا اداکارہ ہیزل کیچ  سے دسمبر میں شادی کا فیصلہ

بھارتی کرکٹر یوراج سنگھ اور بالی ووڈ کی خوبرو اداکارہ ہیزل کیچ نے رواں سال دسمبر میں شادی کا فیصلہ کرلیا۔

بھارتی کرکٹر یوراج سنگھ اور اداکارہ ہیزل کیچ کے درمیان طویل عرصہ معاشقہ جاری رہا جس کی دونوں شخصیات کی جانب سے تردید کی جاتی رہی لیکن گزشتہ سال دونوں کی منگنی کی رسم نے ہلچل مچادی تھی تاہم اب دونوں نے جلد ہی شادی کا فیصلہ کرلیا ہے۔


بھارتی میڈیا کے مطابق بالی ووڈ اداکارہ ہیزل کیچ اور بھارتی کرکٹر یوراج سنگھ رواں سال دسمبر میں شادی کے بندھن میں بندھ جائیں گے جس کی تصدیق کرکٹر کی والدہ نے بھی کردی ہے۔ میڈیا رپورٹس کے مطابق یوراج سنگھ کی والدہ کے مطابق شادی دسمبر کے پہلے ہفتے میں ہوگی جس کا باقاعدہ اعلان چند روز میں کردیا جائے گا اور شادی مکمل طور پر پنجابی رسم و رواج کے مطابق ہوگی جس کی مرکزی تقریب دہلی میں منعقدکی جائے گی۔

واضح رہے کہ اداکارہ ہیزل کیچ نے کئی فلموں میں اداکاری کے جوہر دکھائے ہیں تاہم انہیں شہرت فلم ''باڈی گارڈ'' سے حاصل ہوئی ہے۔