کراچی میں ٹریفک حادثہ 4 افراد ہلاک اور 5 زخمی

حادثے میں جاں بحق ہونے والوں میں بچہ اور خاتون بھی شامل ہیں، انچارج جناح اسپتال ڈاکٹر سیمی جمالی. فوٹو: فائل

---

کورنگی میں ٹریفک حادثے میں بچے اور خاتون سمیت 4 افراد جاں بحق اور 5 زخمی ہو گئے۔

ایکسپریس نیوز کے مطابق کراچی کے علاقے کورنگی ڈیڑھ نمبر میں ٹریفک حادثے میں بچہ اور خاتون سمیت 4 افراد جاں بحق اور 5 زخمی ہوئے جنہیں امدادی ٹیموں کے اہلکاروں نے فوری طور پر جناح اسپتال منتقل کیا جہاں زخمیوں کو طبی امداد فراہم کی جا رہی ہے۔

جناح اسپتال کے ایمرجنسی وارڈ کی انچارج ڈاکٹر سیمی جمالی کا کہنا ہے کہ حادثے میں جاں بحق ہونے والے افراد کی تاحال شناخت نہیں ہو سکی ہے۔