رائیونڈ مارچ سے روکنے کیلئے ن لیگی غنڈے بدمعاشی پر اتر آئے ہیں عمران خان

(ن) لیگ کے غنڈوں نے کے پی کے اسمبلی پر دھاوا بول پر سپریم کورٹ پر حملے کی تاریخ دہرادی، چیرمین تحریک انصاف

ویب ڈیسک September 12, 2016

(ن) لیگ کی غنڈہ گردی کے بعد رائیونڈ کی جانب مارچ کرنے کیلئے پہلے سے زیادہ پر عزم ہو گیا ہوں، عمران خان. فوٹو: فائل

پاکستان تحریک انصاف کے چیرمین عمران خان کا کہنا ہے کہ مسلم لیگ (ن) کے بدمعاش رائیونڈ مارچ کو روکنے کے لئے اوچھے ہتھکنڈوں پر اتر آئے ہیں۔

عمران خان نے مائیکرو بلاگنگ ویب سائٹ پر اپنے ٹویٹ میں کہا ہے کہ مسلم لیگ (ن) کے غنڈوں کی جانب سے رائیونڈ مارچ کو روکنے کے لئے خیبر پختونخوا اسمبلی پر دھاوا بولنا انتہائی شرمناک ہے اور یہ (ن) لیگ کا پرانا وطیرہ ہے۔

1. Shameful behaviour by PMLN goons trying to stop PTI from Raiwind March by hooliganism at KP Assembly. PMLN has record of such behaviour
— Imran Khan (@ImranKhanPTI) September 11, 2016

عمران خان نے کہا کہ فاروق احمد خان لغاری کے دور صدارت میں (ن) لیگ والوں نے لغازی ہاؤس کی جانب مارچ کیا جب کہ پیپلز پارٹی کے دور میں (ن) لیگ والوں نے ایوان صدر کی دیواروں پر چڑھنے کی کوشش کی۔

2. During Leghari Presidency PMLN marched on to Leghari home in Choti Zareen; During PPP rule, PMLN tried to climb wall of Presidency;
— Imran Khan (@ImranKhanPTI) September 11, 2016

تحریک انصاف کے چیرمین عمران خان نے کہا کہ (ن) لیگ والوں کی جانب سے سب سے زیادہ شرمناک حرکت سپریم کورٹ پر حملہ تھا اور آج (ن) لیگی غنڈوں نے ایک بار پھر تاریخ دہراتے ہوئے خیبر پختونخوا اسمبلی پر دھاوا بولا۔

3. Most shameful was PMLN's attack on SC of Pak. Now they have repeated this hooliganism on KP Assembly.
— Imran Khan (@ImranKhanPTI) September 11, 2016

عمران خان نے کہا کہ پی ٹی آئی کا رائیونڈ کی جانب مارچ پرامن اور ہمارا قانونی حق ہے، ہم کسی کے گھر کی جانب مارچ نہیں کر رہے۔

4. PTI's Raiwind March is a peaceful protest & its constitutional right. We are not marching on to anyone's home.
— Imran Khan (@ImranKhanPTI) September 11, 2016

تحریک انصاف کے چیرمین کا کہنا تھا کہ (ن) لیگ کی آج کی غنڈہ گردی کے بعد میں رائیونڈ کی جانب مارچ کرنے کے حوالے سے پہلے سے زیادہ پر عزم ہو چکا ہوں، تحریک انصاف (ن) لیگ کی دھمکیوں سے ڈرنے والی نہیں۔

5. After today's PMLN hooliganism, I am more determined than ever to have the Raiwind March. PTI will not be deterred by PMLN's threats.
— Imran Khan (@ImranKhanPTI) September 11, 2016

واضح رہے کہ چیرمین پی ٹی آئی عمران خان نے 24 مارچ کو رائیونڈ کی جانب مارچ کی کال دے رکھی ہے جب کہ پیپلز پارٹی، پاکستان عوامی تحریک اور (ق) لیگ کی جانب سے رائیونڈ کی جانب مارچ نہ کرنے کا اعلان کیا جا چکا ہے تاہم تحریک انصاف کی قیادت رائیونڈ کی جانب مارچ کے لئے پرعزم ہے۔