رینجرز اور پولیس کی مختلف علاقوں میں کارروائیاں متعدد افراد گرفتار

رینجرز نے ملیر کے علاقے سعودآبادA ایریا اور کھوکھرا پار میں ٹارگٹڈ آپریشن کے دوران کارروائی کرتے ہوئے سیاسی جماعت سے تعلق رکھنے والے2 افراد کے علاوہ 8 سے زائد مشتبہ افراد کو حراست میں لیکراسلحہ برآمدکرلیا۔


خواجہ اجمیر نگری پولیس نے پیپلز پارٹی کے علاقائی رہنما شیر مالک سے70 لاکھ روپے بھتا طلب کرنے والے کالعدم تحریک طالبان سے تعلق رکھنے والے ملزم رشید کوگرفتار کرکے اسلحہ برآمدکرلیا ، خواجہ اجمیر نگری پولیس نے اسٹریٹ کرائم کی وارداتوں میں ملوث 2 ملزمان نور خان اور گلتان شاہ کو گرفتار کر کے اسلحہ برآمد کرلیا۔

ناظم آباد پولیس نے ناظم آباد نمبر3 میںقائم نورجہاں نامی خاتون کے گھر لوٹ مار کر کے فرار ہونے والے2 ملزمان جاوید مسیح اور واحد عرف پٹھان کو گرفتار کر کے اسلحہ اور مسروقہ سامان برآمدکرلیا جبکہ محمود آباد پولیس نے جنید نامی شخص سے موبائل فون اور پرس چھین کر فرار ہونے والے ایک ملزم حسین عرف سونو کوگرفتارکرکے اسلحہ اور چھینا ہوا سامان برآمد کرلیا۔