تبدیلی کھوکھلے نعروں سے نہیں بلکہ عوام کی خدمت سے آتی ہے شہبازشریف

عوام کی بے لوث خدمت کیلئے مٹی کے ساتھ مٹی ہونا پڑتا ہے، شہباز شریف فوٹو: فائل

---

وزیر اعلیٰ پنجاب شہباز شریف کا کہنا ہے کہ تبدیلی کھوکھلے نعروں سے نہیں بلکہ عوام کی خدمت سے آتی ہے۔

لاہور سے جاری اپنے بیان میں وزیر اعلیٰ پنجاب نے کہا کہ پاکستان مسلم لیگ (ن) کی حکومت کے 3 برس خدمت، دیانت اور شفافیت کی گواہی دے رہے ہیں کیونکہ تبدیلی محض کھوکھلے نعروں سے نہیں بلکہ عوام کی خدمت سے آتی ہے،عوام کی بے لوث خدمت کے لئے مٹی کے ساتھ مٹی ہونا پڑتا ہے۔

شہباز شریف نے کہا کہ دھرنا سیاست نے ملک وقوم کابے پناہ نقصان کیا، چند سیاسی عناصر کی منفی سیاست کو عوام رد کرچکے ہیں، ان عناصرنے2014 میں دھرنا سیاست کرکے ملک وقوم کابے پناہ نقصان کیا۔ باشعور عوام ایسے عناصر کے چہروں سے باخوبی واقف ہیں۔