2 خواتین نے خودکشی کرلی سمندر سے ڈوبی ہوئی لاش ملی

ایس ایچ او سرسید بلاغت حسین نے بتایا کہ متوفیہ 3 بچوں کی ماں تھی جبکہ اس کا شام کو شوہر سے جھگڑا ہوا تھا. فوٹو : فائل

---

سرسید ٹاؤن کے علاقے نارتھ کراچی سیکٹر 7-C میں رہائش پذیر28 سالہ نسرین زوجہ محمد رفیع نے گلے میں رسی کا پھندا لگا کر خودکشی کرلی جس کی لاش ضابطے کی کارروائی کے لیے عباسی شہید اسپتال لائی گئی۔

ایس ایچ او سرسید بلاغت حسین نے بتایا کہ متوفیہ 3 بچوں کی ماں تھی جبکہ اس کا شام کو شوہر سے جھگڑا ہوا تھا ، زمان ٹاؤن کے علاقے کورنگی ڈیڑھ نمبر میں رہائش پذیر 17سالہ گل ناز نے گلے میں رسی کا پھندا لگا کر خودکشی کرلی جس کی لاش جناح اسپتال لائی گئی۔

پولیس کا کہنا ہے کہ اہلخانہ لاش بغیر پولیس کارروائی کے اپنے ہمراہ لے گئے، کلفٹن بیچ ویو کے قریب ساحل سے65 سالہ نامعلوم شخص کی ڈوبی ہوئی لاش ملی جس کی اطلاع پر پولیس نے موقع پر پہنچ کر لاش ضابطے کی کارروائی کیلیے جناح اسپتال پہنچائی۔