فریضہ حج کے دوران بچی کی پیدائش نام بھی منیٰ رکھ دیا گیا

رواں سال کے حج سیزن میں کسی بھی بچی کی پہلی پیدائش ہے، سعودی وزارت صحت۔ فوٹو: بشکریہ سعودی وزارت صحت ٹوئٹر اکاؤنٹ

---

حج کے مقدس فریضہ کی ادائیگی کے دوران منیٰ کے اسپتال میں خاتون کے ہاں بچی کی پیدائش ہوئی ہے جس کا نام بھی منیٰ رکھ دیا گیا ہے۔

سعودی عرب کی وزارت صحت کا منیٰ میں پیدا ہونے والی بچی کے حوالے سے کہنا ہے کہ اتوار اور پیر کی درمیانی شب حج کے دوران منی کے اسپتال میں بچی کی پیدائش ہوئی ہے جو کہ رواں سال کے حج سیزن میں کسی بھی بچی کی پہلی پیدائش ہے جس کا نام منیٰ رکھ دیا گیا ہے۔

"مِنى" أول مولودة في مستشفيات المشاعر المقدسة. pic.twitter.com/OjVDYIG6pv

— وزارة الصحة السعودية (@SaudiMOH) September 11, 2016

سعودی وزارت صحت نے بچی کی تصویر اپنے آفیشل ٹوئٹر اکاؤنٹ پر بھی پوسٹ کی ہے جس کے بارے میں بتایا جاتا ہے کہ بچی کی پیدائش آپریشن کے ذریعے ہوئی اور اس کے والدین کا تعلق افغانستان سے ہے اور والدین نے بچی کا نام منیٰ رکھا ہے۔