عمران خان کو حج سے اللہ نے روک دیا لیکن رائیونڈ جانے سے ہم نے نہیں روکا پرویز رشید

عمران خان کو حج سے اللہ نے روک دیا لیکن رائیونڈ جانے سے ہم نے نہیں روکا، پرویز رشید۔ فوٹو: فائل

---

KARACHI: وفاقی وزیر اطلاعات پرویز رشید کا کہنا ہے کہ عمران خان شیطان کےساتھ مک مکا کے سبب حج پر نہیں جاسکے لہذاعمران خان کو نہ خدا ملا اور نہ ہی وصال شیروانی پورا ہوا ہے۔

لاہور میں میڈیا سے بات کرتے ہوئے پرویز رشید نے کہا کہ عمران خان نے اس مہینے میں 2 وعدے کیے تھے، ایک کہ وہ حج پر جائیں گے اور دوسرا رائیونڈ آئیں گے تاہم انہیں حج سے اللہ نے روک دیا یا پھر شیطان کےساتھ مک مکا کےسبب حج پرنہیں جاسکے لیکن رائیونڈ آنے سے عمران خان کو ہم نے نہیں روکا۔ ان کا کہنا تھا کہ سیاسی جماعتوں سمیت عمران خان کے سیاسی کزن نے بھی ساتھ رائیونڈ جانے سے انکار کردیا ہے لہذا وہ اب اکیلے رہ گئے ہیں اور تنہا ہی رہیں گے کیونکہ عمران خان کو نہ خدا ملا اور نہ ہی وصال شیروانی پورا ہوا۔

شیخ رشید کو تنقید کا نشانہ بناتے ہوئے وزیر اطلاعات کا کہنا تھا کہ ایک پنڈی والے صاحب ہرعید پر قربانی کا کہتے ہیں لیکن وہ صاحب کل ایک لاکھ کا اونٹ لیکرواپس چلے گئے ہیں۔